東張西望丨何沛珈內蒙古外景急購「面堅尼」 結果出晒事靚樣慘變「鍾無艷」

兩位同樣出身於「香港小姐」的《東張西望》女神何沛珈和陳懿德今屆以師姐身分，獲安排飛到內蒙古拍攝外景，帶領首批候選佳麗包括5號莊曉婷（Kimmy）、6號李曼思（Adria）和15號俞可程（Kanis）拍攝，由於拍攝日程相當緊湊，何沛珈到埗不久就不斷嘔吐，嘔埋黃膽水，休息過後暈住都要「頂硬上」如常拍攝，相當辛苦，而回港立即投入奧運主持的工作，她分享自己完成外景的「後遺症」，靚樣竟然出現「鍾無艷」的情況！

同場加映：反黑英雄丨袁偉豪認大叔拍劇辛苦摧殘狀態 感激囝囝來臨心情開懷：豁然好多

{{hket:ul-video id="10953"}}{{/hket:ul-video}}

前《愛回家》藝人被冒充身分連環問人借錢 何沛珈醒目智破 曾文心被觸碰痛處【下一頁】

{{hket:inline-image name="i.jpg"}}{{/hket:inline-image}}

{{hket:inline-image name="08.jpg"}}{{/hket:inline-image}}

何沛珈跟陳懿德都是新晉女主持，保養靚樣自然是最重要的事，所以在內蒙古拍攝期間，她們都完全沒有介意造型，戴「面堅尼」遮太陽，以免變「黑炭頭」，沒想到何沛珈回港後始揭原來拍攝時暴曬出晒事，她在IG分享「高炒」自拍照，驚現上額出現鴛鴦膚色的情況，慘成「鍾無艷」。何沛珈接受本網電話訪問，她笑言：「防曬我已經係瘋狂搽，我本身喺香港買咗『面堅尼』，但係唔記得帶去，然後去到嗰邊見到太陽猛烈就立即『美團』（內地外賣APP），我仲幫德德買咗個，又出動太陽遮，不過有時興奮起上嚟都唔記得拎。返到嚟香港，我老竇已經話阿女黑咗，所以我已經立即訂咗美白飲、美白cream同美白精華，三管齊下。」

何沛珈阮浩棕首次曬合照戀情浮面 張彥博大大個「電燈膽」夾中間掃興【下一頁】

雖然過程中病倒又曬到變「鍾無艷」，但何沛珈認為今次行程絕對難得可貴。「今次呢個出trip嘅活動，令我最大嘅感受係...如果我唔係因為拍攝嘅話，我應該都唔會有機會去到內蒙古咁特別嘅地方。因為我哋係由城市呼和浩特去正藍旗大草原要坐成七個鐘頭車，然後而家內蒙古嘅天氣溫差都幾大，日頭可以去到36度，有一日喺車度見到個測試溫度竟然去到40度，然後晚上溫度可以跌到得番10幾度。呢一個旅程我覺得係好難忘嘅，因為內蒙古族人佢哋嘅純樸熱情，佢哋對每一個人嘅嗰種好，係平時好難見到，然後你睇到嘅風景、睇到嘅大自然面貌，我覺得去完之後心靈得到平靜，今次仲去咗騎馬、射箭、博克（蒙古三技），仲做咗好多以前從來未做過嘅嘢。」

撰文：娛樂組