35場劇終 黃子華堅稱《前度》無Part 2

黃子華與陳法拉主演的舞台劇《前度》共演出35場，前晚圓滿落幕；舞台劇順利完成，兩位主角亦繼續各有各忙，子華火速還廣告債，而法拉則返美國修讀未完成的學業。

舞台劇《前度》前晚最後一場演出，不過在謝幕時全場觀眾仍依依不捨，完騷後，台前幕後更拉隊到銅鑼灣宵夜慶功。

子華在騷後被問到舞台劇演出是否順利時，他幽默地說：「我都用咗洪荒之力！中間病咗三日。（食禁藥？）係呀，所以唔踩得單車、唔做得運動囉。」說罷也忍不住大笑。

法拉：酬金夠交學費

另外，法拉被問到之後有何計劃？她表示會在港多留一個星期拍廣告，然後再返美國繼續學業。「最快聖誕返嚟。要搵食，所以幾日都返。（無綫搵你拍劇？）好似搵經理人傾過，不過我唔可以接時間太長嘅工作。」法拉表示今次返港演出舞台劇當做暑期工，這筆錢足夠她繳交餘下的學費，笑言：「多謝老闆！」

問到法拉下次還想與子華有哪方面的合作？她說：「之前都合作過電影，希望再有機會啦。（舞台劇唔會有part 2？）唔會啦，今次嘅檔期安排得好好。」子華同樣表示二人時間難遷就，所以也不考慮作巡迴演出。

撰文：Pauline

編輯：林梓添

設計：梁政敏