大學生高價收紙皮 重拾長者尊嚴

大學生都要執紙皮？去年甫大學畢業的黃恩凱（Earnest），夥同3位同學成立環保社企「拾易紙長」，以高於回收價「收購」拾荒老人的簇新紙皮，再賣給商舖延續紙皮的生命，同時希望能扶助弱勢的一群。

學生時期的Earnest，每次見到街上的「紙皮婆婆」佝僂着背推着比自己高的紙皮走上斜路，都會主動上前幫忙。但日子久了，他問自己，「除了幫忙推紙皮，仲可以點幫他們？」

兩年前，他因搬屋而需購買紙箱，發現一個紙箱竟索價20元，但每公斤紙皮的回收價僅5毫，當中不乏簇新的紙皮箱。他於是看到商機，與朋友參加社會企業比賽，在去年11月正式成立社企「拾易紙長」。

轉售商舖賺微利 「糧都無得出」

「我認識一個婆婆每日做10小時，執到差唔多100公斤紙皮，但都只係賣咗40多元。」Earnest和朋友走到西環向婆婆購買紙箱，希望能延長紙皮生命外，亦能增加拾荒老人的收入，「以為自己去幫人，婆婆一定好配合，但原來他們當我係寶藥黨咁。」

那時Earnest向物流及運輸業打了約400個電話「搵生意」，卻全都「食檸檬」，遂走到上環海味街逐間店舖詢問是否需要紙皮箱，初時每個紙箱僅賺數元，「糧都無得出」。但他憑着朋友間互相支持，開拓更多服務，現時收入已足以繳付租金。

Earnest憶述：「爸爸是生意人，初時問我係咪傻咗，大學生走去執紙皮？」惟他坦言，會定下底綫，若經營不了就會止蝕離場。

記者：郭燕美