潮流興格鬥真人騷 李錦聯：安德尊唔夠我打

麥長青（麥包）、李錦聯、盧覓雪及鄭丹瑞昨日現身將軍澳電視城，與主持人許紹雄、梁烈唯錄影清談節目《男人食堂》，原定嘉賓之一的安德尊（大王）未有現身。他是否刻意避席呢？李錦聯即笑言：「佢真係靠唔住！」

節目錄影前，一眾嘉賓和兩位主持人大合照，曾經與李錦聯盛傳不和的安德尊卻未見現身，記者問到大王是否故意甩底？《都市閒情》大廚李錦聯笑說：「睇嚟就似囉，到依家仲未出現，真係靠唔住！」

近日有網民討論無綫如果製作格鬥真人騷節目，提議搵安德尊與李錦聯這對「鬥氣孖寶」對戰，李錦聯聞言後一口拒絕：「我無興趣！佢（大王）亦完全唔夠我打，我打硬佢！」

麥包計劃出兒歌碟

另外，今集節目討論「中年危機」，麥包認為年紀大沒有問題，心態反而更重要。他解釋：「我冇中年危機，因為你覺得自己老就老，你覺得自己仲好跑得，你就好跑得。其實係取決於心態，即使我體力不及以前，身體會比後生時退化，但都要keep住呢個諗法。」

麥包又表示拍完處境劇《愛．回家》後仍未有新劇，趁這段時間開始寫劇本，他苦笑謂：「都無寫嘢七至八年，可能係寫古仔或者故事大綱。（主動出擊寫劇本？）做人不嬲都唔應該喺度等，我近排仲搵咗音樂人伍樂城，想出番隻兒歌碟。」

撰文：Pauline

編輯：陳禮恒

設計：梁政敏