自認專一 陳瀅未諗新戀情

陳瀅與賭王四房兒子何猷亨分手，雖然當事人未有正面承認「分」訊，不過陳瀅卻默認已回復單身，暫時不考慮追求者，這段時間只會與工作「註冊」，又計劃為明年出新書做準備。

陳瀅昨日出席香氛品牌活動時表示自己非常專一，不過，她所指的專一，卻是鍾情香水味道。活動後問到她現時是否寄情工作？她直認不諱：「見我今日做緊嘢就知，真係忙緊。（係咪接番多咗工作？）公司喺工作方面安排得好好，我一直好努力工作，一直都冇變，放完假要好好做嘢。」

再問她所指的專一是否對感情都一樣？她解釋：「專一係對人，適

當時候就會識得放手，專一同唔肯放手係兩回事。（你放咗未？）我唔aggressive，心態好放鬆，少咗壓力。」

計劃明年出書

陳瀅又表示現時與猷亨仍有聯絡，又坦言不是為情消瘦：「因為依家書展，我上年有出書，但今年冇機會出，希望明年可以出番，所以依家喺Instagram放住相先。至於出寫真抑或小說仲未計劃，但希望有機會自己寫。」

早前她返了溫哥華探親，炎炎夏日，陳瀅Po了多張泳衣照到IG，問她在異國的沙灘可有艷遇？她透露：「冇男仔撩我，可能我着泳衣冇人諗到會咁保守，因為我好少着泳衣，大家嘅反應都幾好。（有張露Pat Pat喎。）上年本書（寫真集）仲勁啦。」

回復單身的她，刻下未有追求者，她希望專心工作：「我覺得冇人敢追我，可能我太愛工作喇，已經同工作註冊，同埋都要過到劉佩玥同何雁詩嗰關先。」下一段感情會否考慮圈外人以免受太大壓力？她說未諗到太長遠，現在才舒服了，暫時不去諗感情事了。

採訪：Pauline

攝影：Lego

編輯：林梓添

設計：Herbert