塞車捉精靈 阿佘學做訓練員

最近全城掀起手機遊戲《Pokémon GO》熱潮，佘詩曼昨午在屯門出席《V City 3歲DUCK意派對》，並與在場觀眾玩遊戲。阿佘自爆近日加入捕捉小精靈行列，但由於工作太忙，只好趁空檔試玩。

佘詩曼透露自己也迷上捉精靈，但她表示：「我玩咗幾日先捉到三隻咋，因為之前喺內地工作，但我都有留意啲玩家教捉精靈嘅技巧。返咗香港，試過有次趁塞車時捉到一隻。」

《使徒行者》冇票房壓力

忙於拍攝劇集《賭城群英會》的阿佘匆匆返港，今日又將為新戲《使徒行者》展開內地宣傳，她坦言會盡力走訪不同城市，趁離港前玩多一陣Pokémon。其舊愛陳浩民重唱了當年的《寵物小精靈》卡通片主題曲，阿佘即反問：「係咩？唔知呀！啱啱返香港，有時間都會睇下。」

此外，《寒戰2》最新票房終突破6190萬港元，超越了《那些年，我們一起追的女孩》紀錄，成為本港華語電影票房冠軍。而阿佘主演的《使徒行者》亦將於下周上映，問她對票房可有壓力？她從容表示：「我都有睇《寒戰2》，為我哋香港電影爭光係好事，我會盡力而為，唔會有票房壓力。演員嘅職責是盡力拍好部戲，呢方面我已經完成，其他留待觀眾評論。」

撰文：Pauline

編輯：陳禮恒

設計：梁政敏