關心妍恨生女

關心妍（Jade）昨日接受Roadshow紅人館訪問，陀B接近六個月的她自言肚子大得甚快。雖然未知胎兒性別，但她與丈夫均希望生猴女。

關心妍表示近日肚子Size忽然倍升，令她覺得十分論盡。「我依家每朝六點就會被BB踢醒，我要等清明假期過咗，先去照（超聲波）睇下BB性別，但係我點都話係女，希望講中，因為我好恨生女！」由於未知胎兒性別，她笑言仍未買BB衣物，只添置了一張BB床。

Jade笑指老公一樣恨生女，「老公講笑話如果今胎係仔，佢就唔會多理。至於老爺奶奶覺得有個孫已經好開心，唔理性別。」此外，有傳劉德華太太朱麗倩人工受孕成功陀第二胎，Jade坦言曾考慮接受人工方法，「我諗住如果40歲前都冇（懷孕），就有呢個打算，不過幸運地開完演唱會後就有咗。」

撰文：李潔盈

攝影：Lego

編輯：陳禮恒

設計：nc