港產創科公司 一齊打機 留住90後員工

本港創科人才絕對是臥虎藏龍，一個七十後加兩個八十後，創立的創科公司獲本地上市公司旗下基金入股，又向跨境電商及O2O進發，期望衝出國際，在這個年輕人當道的行業，三位年輕創辦人大談如何留住更年輕的員工。

曾為多間大機構如TVB、利豐、信和集團、AIA等設計手機程式的本地寫Apps公司「四方創意」，由3位年輕人李建和（Kenneth）、鄧泰霖（Eric）及林志榮（Carter）創辦，創業短短5年已在行內打響名堂。

不能階級化 因應專長委派任務

創科公司都有一個共通點，就是員工都很年輕。四方創意由開頭兄弟班，到後來管理四五十人，至現在發展至150人規模，若果繼續用傳統方法管理80、90後，將會面對員工因「唔夾」要與公司分手，所以身為主席的Kenneth也要放下老闆身段。「管理80、90後不可以有階級化，就算我係主席也沒有架子，同佢哋好friend，夜晚一齊打機！唔好當佢哋係員工，係朋友。佢地願意當你朋友先可以傾。」Kenneth指，80、90後較個性化，要因各人的能力專長而委派任務。

「傳統管理只由上壓下，如OT只叫你OT，不會講原因，但其實係要講，不是夾硬來，解釋因為公司成長中，做得好可帶來增長，要話佢知做管理者要考慮的東西，從不同位置去諗，佢哋會反過來幫你！」Eric不諱言剛畢業就要管理同事，試過沒有採納同事意見，令他們感到失望。

Carter則認為，新一代人要求彼此關係平等，但創業者與員工角色始終會有衝突，解決方法是培育員工成為公司的合作拍檔。

撰文：伍寶賢

攝影：梁建騰（原文刊於iMoney）