《Do姐有問題》農夫集集搞Gag 花名「鄭裕Land」 觀眾笑到碌地

鄭裕玲（Do姐）與組合農夫主持的新節目《Do姐有問題》正熱播，農夫每集都狂搞爛Gag，不斷為Do姐改新花名，最搞笑屬主題樂園式花名「鄭裕Land」！不少網民笑到標眼水，亦有人彈笑位冇深度，各位又認為「DidDid姐」還是「鄭裕Land」較出色？

Do姐與農夫（陸永及C君）去年合作旅遊節目《Do姐去Shopping》大受歡迎，當中農夫大講「冇大冇細」式爛Gag，取笑Do姐跳「鈣質舞」之外，更為她改名「DidDid姐」，觀眾笑爆嘴，就連Do姐都笑到失控，更與農夫玩埋一份！今次三人再合作主持《Do姐有問題》，農夫重施故技，每集介紹Do姐出場時，索性創作更多新花名。

收視狂升五點

上周五（11日）播映的一集，農夫爆笑介紹Do姐出場：「佔地50萬呎，帶你進入前所未有嘅奇妙旅程，全新主題樂園『鄭裕Land』！」陸永又口花花說：「個個人都入得嚟！」難得Do姐冇發嬲，只打陸永額頭笑說：「你個死鬈毛！」此外，農夫又將Do姐名字改為美食「鄭裕響玲」、電影「鄭裕兇玲」、職業「鄭裕玲媒」等，笑位充足，節目首周平均收視高開21.4點，較之前同時段《湊仔攻略》勁升五點，成績不俗。

除了搞爛Gag，農夫經常擦Do姐鞋亦是笑點所在，像首集介紹泰國象屎咖啡，陸永即表示想飲Do姐調製的「Do屎咖啡」，唔怕核突又落足鞋油，𠱁得Do姐笑不停。不少網民表示笑到碌地，大讚Do姐毫無架子，三人互動極有默契；亦有人認為爛Gag太膚淺，完全笑唔出。

協力：Kaman

編輯：黃寶恩

撰文：Iris

設計：鄧俊明