彩虹小食店 幾蚊美食繫街坊情

魚蛋、燒賣、腸粉，香港平凡不過的小食，卻能食出人情味！在彩虹邨某個不起眼的角落，一間小食店屹立近20載，雖然通脹令物價上升，但小店沒大幅漲價，魚蛋、炸春卷統統「一蚊雞」，手掌般大的雞排每塊售4元，老闆坦言：「做生意唔好賺到盡，最重要回饋社會。」

位於彩虹邨商場的小食店「楓林軒」，1998年開業，陳老闆說：「自己後生時捱過窮，做酒樓樓面養家，知道搵錢的確好艱難。」小食店附近有數間學校，前來幫襯的都是學生、老街坊，「學生哥有幾多錢吖，其實我賺少啲，佢哋就儲多個錢喇，做生意唔使去到咁盡，回饋社會先至最緊要。」

老闆：捱過窮 知學生錢不多

魚蛋、燒賣5元5粒，雞肉串3元1串，手掌般大的雞排則只需4元，三文治、炸雞髀、薯條、珍珠奶茶包羅萬有，有網民表示：「即叫即撈的撈麵，味道唔太濃，入口味道非常均勻。」街坊還盛讚西米豆漿、花奶西米冰，西米晶瑩通透爽口，甜味適中符合大眾口味。

記者昨天到訪小食店，短短一小時，人流如鯽，60歲的陳老闆親力親為忙到不得了。一做便過了接近20個寒暑，他見證着彩虹邨的變遷，「我睇住啲來幫襯嘅細路（學生）大㗎，有啲以前唔乖，佢哋會爬牆返學，但依家一個二個都成熟晒，仲會嚟買嘢食。」

或者就是一份良心的經營之道，換得一班街坊多年來風雨不改的支持，他坦言，希望一直做落去，履行回饋社會的承諾。