黃宗澤想裝平安鐘

黃宗澤（Bosco）、朱千雪、黃浩然等出席劇集《警犬巴打》宣傳活動。談到Bosco早前不慎跣倒導致肋骨出現裂痕，他表示醫生也未能評估康復時間，但自覺康復進度理想，他笑言：「會考慮在屋企安裝平安鐘，早排落床好痛，諗番都好戇居，因為浴室個防滑墊太耐冇換，一踩落去成個人跣低，要媽咪幫手扶起身。（係咪覺得有另一半好啲？）我要一個平安鐘多啲！」情人節和媽咪在家中撑枱腳，被問到會否倍感寂寞？他笑言不是第一次度過這些日子。

朱千雪透露情人節獨自做gym及煮飯度過，因為家人都在加拿大，身邊又沒有男仔約會，問她可有搵單身女仔聚會？她坦言：「我搵晒成本電話簿都搵唔到一個單身女仔。自從成年後都冇拍拖，明白呢啲要講緣份，我鍾意浪漫同思想簡單男仔，唔使好有錢，最重要合眼緣。」