被惡女指罵督察 拍宣傳片過千like

大帽山前天路面結冰，救援人員多番呼籲市民不要再登高地，但仍有人不領情。有傳媒前日拍下一名警察勸喻一對男女落山，卻反被拍片並指罵「我有人身自由、救人係你職責」等。事件經報道後，片中罵警女子已被網民即日閃電「起底」，疑不堪遭網民「圍攻」，女主角連facebook帳號亦自行刪除。

籲解封前勿上山

至於被拍片指罵的警察，原來是隸屬新界南總區交通部的署理督察陸國強。陸sir即時被警隊「睇中」，立即在大帽山冰地之上，即場拍攝宣傳片，並放上「香港警隊」的facebook專頁。陸sir在片中表示，雖然天氣稍為回暖，但山上氣溫仍然寒冷，部分道路仍有結冰，呼籲市民在解封前切勿前往該區。

片中可見陸sir雖初次粉墨登場，但並無怯場談吐自然。該片段昨午放上網後，短短4小時已有過千like，有網民留言：「多謝陸sir，不過睇呢條片覺得有啲睇緊IQ博士咁。」