傳情侶檔首次出騷價80萬 鄭嘉穎：要追返尾數先

鄭嘉穎和陳凱琳（Grace）昨日首度情侶檔出席商場新年活動，表現sweet到爆，玩遊戲時Grace不時與男友情深對望，全場也感受到他們的甜蜜幸福。

鄭嘉穎和Grace昨日雙雙現身將軍澳的商場，出席《新春百鳥桃花園》揭幕禮，其後大會安排嘉穎和Grace跟觀眾玩遊戲，在首個互動環節中，兩人分別餵蒙眼的觀眾猜猜所吃的賀年食物，最後輸了的Grace要餵贏家嘉穎吃糖蓮藕，十分sweet。在最後一個遊戲，Grace為嘉穎用頸巾打了個巨型蝴蝶結，博得全場掌聲。

鄭媽媽煲湯畀Grace

活動後兩人一起受訪，對首次情侶檔出席公開活動，他們都說好開心，問到往後會否更多機會接這類活動？嘉穎表示：「偶然一次矜貴啲，要視乎出席乜嘢event啦（情人節呢？）又唔好咁快，唔使夾硬嚟。」外傳今次情侶檔叫價近80萬，嘉穎即笑謂：「咁要追返尾數呀！」問到玩遊戲環節可覺得似一對新人被玩？嘉穎表示不覺得，Grace則笑謂：「通常玩得好慘，但今次玩得好開心。」嘉穎都說不辛苦。不過全場起哄要他們錫錫時，兩人卻無理會，嘉穎說待結婚時才做。

新春將至，問嘉穎會否到女家拜年？他認真表示：「其實已見過（Grace父母）。（花心思買禮物？）買禮物唔使用多少少腦筋，最緊要有禮貌、尊重已足夠。（媽媽對Grace印象如何？）不得了！煲湯次次都問Grace想飲乜嘢湯。」Grace亦大讚鄭媽媽好好傾和很友善，相處好舒服。問到見完家長，幾時行下一步？嘉穎即謂：「一步步嚟，（幾時派雙封利市？）過完年先啦。」

主動慰問舊愛王馨平

嘉穎被問到舊愛王馨平（Linda）父親王羽急性腦出血，更盛傳命危，他說：「我尋晚知呢件事，我諗Linda依家會好忙，我send咗message。（Linda覆咗你？）都係講下situation（情況），但唔應該由我講出嚟畀大家知。（上次見王羽係幾時？）好耐喇！總之希望佢無事，一切安好。」

採訪：Pauline

攝影：林良明

編輯：黃寶恩

設計：鄧俊明