戲院偷偷摸摸育愛苗 Sammi難忘初戀勝地

「豐德麗控股有限公司」與「洲立影藝有限公司」昨日舉行《影院‧娛樂全方位爆發新動力》發布會，介紹集團旗下娛樂平台MCL院綫在香港及中國內地的最新發展，同時為MCL院綫的新品牌舉行揭幕儀式。鄭秀文（Sammi）、任賢齊和導演杜琪峯對戲院新增設的設施都十分期待。

今次除了增加新戲院，還計劃日後直播演唱會，讓未能撲飛的觀眾可以安坐戲院欣賞偶像的精采演出。Sammi和小齊對於影院有新設施都表現得十分雀躍，反而杜Sir似有所指：「時代變到咁，戲院冇戲放！不過觀眾可以有選擇，（最受落係邊方面？）最好有足球直播啦，有嘢食又冇煙食，食埋煙更好。」擔任司議的鄭裕玲就提醒杜Sir，政府已立法在戲院內不能吸煙，跟着杜Sir又笑言：「可以打埋麻將仲好！」

Sammi表示偶然會入戲院，但揀一些人流較少、位置較僻的戲院，不過依然有狗仔隊跟縱。她又說最喜歡食雞蛋仔，要是戲院小食部引入這款特色小食也不錯；還有烤魷魚，Sammi和小齊同樣喜歡。不過Sammi的至愛還是爆谷，她說：「一直唔敢入戲院，就係覺得無得食爆谷好痛苦，次次keep fit都唔敢食㗎。」她更懷念舊式戲院，自爆以前銅鑼灣的碧麗宮戲院是初戀勝地，一對小情侶在戲院偷偷摸摸幾好玩。小齊則笑言乘機拖住女仔隻手不放。

聽聞漆黑中摸大髀

不過，Sammi曾聽聞有男工作人員在戲院內被同性摸大髀，他還是啞忍，令Sammi忍俊不禁謂：「原來男仔畀人搞都唔敢嗌，換轉以前我會好驚，依家遇到呢啲情況我一定捉實佢，呢啲人一定要嚴懲，今次摸大髀，下次唔知摸乜㗎嘛。」

採訪：Pauline

攝影：Lego

編輯：黃寶恩

設計：梁政敏