娜姐360度咀辰亦儒好尷尬

周秀娜（娜姐）主演的內地網劇《美女公寓》，上周播映到第六集，下載量由首播20多萬飈升至近80萬人次，成績驕人。最新三集的《美》劇中，飾演靈異事務所特派員的娜姐和辰亦儒又咀又攬，甚有睇頭。

兩人在劇中有兩場咀嘴戲，包括娜姐在車廂內為重傷的辰亦儒做人工呼吸，另一場戲她不慎跌到辰亦儒懷抱咀到應，男方是艷福無邊，但娜姐就覺得有點尷尬：「拍呢場戲時，大家只認識幾天，我要成個人伏喺佢身上再錫，最尷尬唔係一take過，而是要拍佢又拍我，所以拍攝時我要360度錫勻佢。」