黃芷晴爆爸爸呷男友醋

黃日華昨日與愛女黃芷晴到旺角出席鐘錶品牌活動，二人首度以父女檔出騷。早前芷晴與男友Jimmy情侶檔拍手錶廣告，她趁機踢爆父親在家也會呷男友醋，平日自己在家煲湯，父親竟會爭湯飲。

昨日活動中，主辦單位安排兩父女互送情侶錶及聖誕水晶球。黃日華特別在水晶球錄音，留待愛女出嫁才聽。可會希望早日做外父，華哥說：「冇所謂，佢咁大個女自己決定需唔需要結（婚）。」談及對未來女婿評分？黃日華笑指二人未夠時間相處。「佢哋拍拖半年左右，慢慢啦，見佢對個女都算體貼！」華哥揚言會了解Jimmy有何優點和缺點。身旁的芷晴即向爸爸撒嬌：「我當然希望男友似爸爸咁好男人，但佢當然冇你咁好啦！」

孖男友拍廣告變婚照

不過，芷晴卻口多多踢爆父親會呷男友醋。「我喺屋企煲湯，爸爸與男友會爭住飲！仲問點解唔整埋佢個份！」華哥即戲言：「個女整嘢畀人哋食，都唔整畀我食！」此外，早前芷晴與Jimmy為品牌拍攝宣傳照，不少朋友誤以為二人傳出婚訊，但現實是二人暫未有結婚計劃。黃日華乘機指以前與太太甚少正經拍照發給傳媒，芷晴即大膽駁嘴：「我見過你和媽咪啲泳衣相在報紙啦。」

撰文：Steven

編輯：林梓添

設計：梁政敏