合作拍戲 謝婷婷被偉仔電暈

剛度過34歲生日的謝婷婷，日前出席活動時自爆，今年生日與男神梁朝偉在片場度過，更說對方電眼強勁，令她幾乎被電暈。

謝婷婷昨日以星級造型顧問身份出席M&S秋冬時裝活動，剛在上星期度過34歲生日的她表示，生日當天雖然在工作中度過，不過父母謝賢及狄波拉突然前來探班，令她既驚喜又感動。回復單身的她會否心急找個伴？她笑說：「唔心急，都冇諗過要幾多歲結婚，之後都好忙，要去意大利兩個月拍《歐洲攻略》，同梁朝偉合作。」

想睇王菲演唱會

對於首次與梁朝偉合作，可有被他的電眼電暈？婷婷笑謂：「有場戲佢要突然哄到我好埋，如果平時我一定笑咗出嚟，不過當日就畀佢眼神帶入戲。」另外，談到王菲即將在北京開騷，婷婷表示恨睇，又說雖然她中文不靈光，但是王菲的歌都聽得懂，還可以跟着唱。

撰文：Pauline

攝影：林良明

編輯：林梓添

設計：招潤洪