馮盈盈自嘲要拍「冇眉娘」

四位出爐港姐昨日到美容連鎖店領獎，冠軍馮盈盈自嘲最大弱點是眉毛稀疏，還笑言要是開拍《冇眉娘》續集，她一定是適當人選。她說：「其實眉毛稀疏都唔係最差，有化粧師仲讚我，話條眉點樣畫都得。我最唔滿意反而係自己個嘴，牙齒係天生唔整齊，之前都有打算參選後去箍隱形牙套。」

當選至今馮盈盈表示已學懂將壓力變成動力，同時感謝師姐麥明詩私底下傳短訊為她打氣。她又否認近日瘋傳一張內容含淫褻語句的圖片是由她所發，問到可擔心影響港姐形象？她說：「覺得搞笑多啲，總之清者自清。我想講有人傳我已訂婚，但冇咁嘅事，社交平台張戴戒指相，係兩年前搬屋，媽咪搵出來嘅古董戒指畀我試戴。」