張繼聰帶老婆飛車食車仔麵

電影《西謊極落之太爆太子太空艙》前晚舉行煞科宴，張繼聰被追問太太謝安琪懷孕，可會抽多點時間陪她？他笑言現在反而多了時間拍拖，「（Kay）頭三個月成日頂住個胃，突然想食對面海嘅車仔麵，會過兩條隧道去食，大家好開心同好享受呢個時間。」談到胎中BB女，阿聰相當興奮：「原來每一次睇超聲波見到BB長大都好開心，我仲以為今次冇咁感動。」不過，大仔張瞻卻被中醫診斷肝鬱，他和太太會為囝囝輔導一下。

同場的周柏豪下月參加《電動方程式賽車錦標賽香港站》，更有幸與郭富城、方中信及錢嘉樂等一齊賽車。柏豪知道城城有份參加表現得很興奮，但女友知道他賽車會否擔心？柏豪表示：「冇人擔心我，只係自己對自己無信心，我已經買重保險，因為我係代言人，平時開車都唔會太快，以前唔知安全仲會單手揸車，但依家唔會喇。」

攝影：Lego