千嬅肯零片酬拍好劇本

余文樂、方皓玟及新導演黃進，前晚出席電影《一念無明》優先場謝票，在觀眾席上見到「春嬌」楊千嬅及導演彭浩翔捧場。千嬅呼籲大家支持香港電影，更力撑樂仔有望在明年金像獎獲提名影帝。

楊千嬅驚喜現身，見到現場眾多傳媒，她笑言只是來睇戲，好彩有化粧。對於曾志偉為樂仔失落金馬獎提名感到不值，千嬅認為最重要遇到好劇本及演出獲得認同，她依然睇好樂仔有機會提名明年舉行的香港電影金像獎。

千嬅說：「呢行日日都係機會，好多人睇完都讚佢（樂仔）演得好，所以我要嚟支持！（支持佢零片酬接呢部戲？）其實呢行都有情意結，會互相支持，當然要遇到好劇本，呢份工打得好就有下一份工。」千嬅不排除日後會零片酬接戲，笑言之後可能有100套戲搵上門，這些機會比收片酬更大得着。

跟樂仔劃清界綫

此外，問千嬅可有留意樂仔與模特兒朱韵韵傳出緋聞？千嬅即笑謂：「其實我識嗰個係張志明（春嬌拍檔），余文樂啲嘢我唔係好清楚，你哋自己問佢啦！」

撰文：Pauline

編輯：陳禮恒

設計：K