朱晨麗 等機會做Queen

2011年港姐冠軍朱晨麗入行五年，演出機會不斷，無論是《末代御醫》的珍妃或是《衝上雲霄II》的空姐胡娉，都有亮眼表現，但角色始終不夠「入屋」，演藝道路似乎不及一眾已擔正做主角的師妹，「有冇爬頭呢啲由人哋去講，我只要做好自己，觀眾自會評價你嘅表現。」

台慶劇《致命復活》熱播，劇中郭晉安被綁架十年，引起網民討論「誰是幕後主腦」，朱晨麗飾演的葉秋（Queenie）被列為疑兇之一，質疑她是為姊報仇。「好開心網民有呢啲討論，回響又唔錯，等大家再繼續估，之後劇情會愈來愈緊湊。」

撑安仔攞視帝

雖然不肯劇透，但她首次飾演企業顧問女強人，直言是個大挑戰。「因為未試過做公司高層，開拍前都有參考真正嘅高層，仔細觀察佢哋每一個動作、眼神同語氣，希望有一種管理層嘅霸氣，說服到觀眾。」

Queenie一角成功令朱晨麗首度提名「最佳女配角」，但她對獲獎只抱平常心，「觀眾願意去追、去講，已經贏咗口碑。」反而，她力撑安仔四度封帝，「佢付出咗好多，減咗廿幾磅，好值得我哋學習。何況我（Queenie）咁愛佢，無理由唔投畀自己鍾意嘅人。」

盼擁有代表作

近年無綫鬧花旦荒，一眾港姐師妹在短時間內被力捧上一綫，朱晨麗對此似乎看得很開，「要睇唔同人嘅機遇，好似張頴康咁，都係捱咗好多年先有最近嘅成績。」

問她是否覺得欠缺代表作，朱晨麗就流露出真性情，「咁慘呀？咁我希望《致命》可以令我有一個代表作啦。」她希望不被框住，能多作嘗試，「朱晨麗可以係大反派，也可以係醜女，不同嘅另類角色都可以。希望短期內做多啲好角色畀大家睇。」如此謙卑努力，成功指日可待！

全女班慶生

今年娛圈喜事多籮籮，問她會否心郁郁計劃結婚？「其實睇住一班好朋友結婚已經好開心，但我都未搵到另一半，又點會諗咁遠呢？」事實上，朱晨麗出道以來緋聞多多，現時自稱單身的她透露，揀對象要看緣份，並無特定要求，「對我好就ok，如果大把要求，人哋都驚咗你啦！我而家忙緊開劇，連瞓覺時間都無，邊有時間畀另一半呢？咁對佢都好唔公平。」

撰文：陳子楠

攝影：林良明

編輯：陳禮恒

設計：梁政敏