東邊太陽西邊雨

「嘩！你搞乜成隻落湯雞咁？」
看著剛回到公司、成身濕晒的Amy，我不禁叫出來！
「外面落雨呀！唉，最衰唔記得帶遮。」

我遞了一盒紙巾給Amy抹身後說道：「我都係早你10分鐘到公司，出地鐵站的時候還是猛太陽，想不到咁快又會落大雨。」

「出門口的時候都是天晴，我還特地塗了防曬，誰想到突然就落起雨來！
最近好像都是這樣子，毫無預兆就下雨，真的很不方便。」

過了一會Shirley也回到公司，出奇的是她並沒有淋雨的樣子。

「咦？外面唔係落雨嗎？」我問Shirley。
「係啊，所以我留在地鐵站等雨細一點。想不到七八分鐘左右就已經停雨，令我想起新加坡的天氣！」

Shirley有親戚住新加坡，所以不時就會去探親。她說在新加坡經常會出現這種一時下雨一時放晴的天氣，所以在那邊都會長期帶傘外出。

「香港是亞熱帶氣候，新加坡是熱帶氣候。難道說香港的天氣愈來愈接近熱帶氣候了！」我說。

「如果是這樣也不意外啊！最近歐盟公佈，地球在7月22日迎接了1940年以來最熱的日子。公佈更加警告近13個月的氣溫不尋常，人類已經進入了未知領域。睇嚟以後大家都要適應一些改變了！」

（本欄逢星期一刊登）