難忘私房菜

自從餐廳食肆可以12人一枱後，朋友們紛紛相約聚首一堂，終於不用叫得這個，又不能叫另一個了！

難得歡聚，當然要搵間好餐廳！最近最令我一試難忘的餐廳，就是位於山林道的私房菜——「冲菜」。

當晚的菜單是︰杞子醉蝦、香麻豉油皇鴨舌、揚州清湯獅子頭、酒槽蒸馬友、天九魚唇紅燒肉、紅燉蘿蔔、蟹釀橙、江南百花雞、銀杏腐竹薏米糖水，是否見到已經流晒口水呢！

每道菜都非常好吃，我最鍾意的是紅燉蘿蔔和酒槽蒸馬友。

紅燉蘿蔔看似普通，誰知一吃香甜到不得了！本來以為是齋菜，其實是用上湯燉白蘿蔔，湯以雞、豬腩肉和紅麴米熬成，煮到湯收成汁，白蘿蔔都變得紅當當，還散發出濃香的肉味！

酒槽蒸馬友又稱為「盤中一尺銀」，何以得此名？皆因馬友魚上枱時，會將薑蔥撥向兩邊，露出中間的魚身——「一尺銀」。

朋友問，為甚麼蔥花連魚蒸，蔥還能保持翠綠？原來秘訣是要用微波爐保鮮紙把碟封得緊密來蒸，否則蔥花就會變色！「盤中一尺銀」沒有用任何調味料，完全吃到魚本身的鮮味，而且魚肉嫩滑，食過真係返唔到轉頭！

(本欄逢周一刊登)