防疫路綫圖

收聽商台廣播劇《18樓C座》，劇中人物三姑向周記茶餐廳幾個熟客呻氣，話買餐餸好辛苦，眾人話菜肉已經供應正常，為何辛苦？

三姑話不關菜肉供應的事，而是行去街市行得好辛苦！

眾人摸不着頭腦，因為三姑住處距離街市只得三幾個街口，行慣咗啦！

三姑長嘆一聲話，原來疫情之下，佢每日都設計一個路綫圖要跟住行。因為三姑怕中招，每日都留意附近哪一幢大廈有人染疫、哪一幢被強檢，然後就兜路行，左閃右避，所以買餐餸要行多好多路，好辛苦！

三姑的做法很戲劇性，是編劇度出來的橋段。不過，疫情之下人心惶惶，真實生活中類似三姑這樣的小心翼翼，防患於未然者，大有人在。

我有一個同學，就是其一，她由農曆新年起至今3個月都未踏出家門口半步，所有食物及家居用品都靠網購送貨，現在疫情已經比較放緩，晚市堂食、美容院、電影院等處所都已經重開，但她仍不為所動，4月21日到今天，依然繼續宅在家中！

我跟她說，趁春意正濃，暖陽和煦，不如一起往郊外走走。她說不想冒險，清零後再算！

噢！那會是何月何日？

（本欄逢周一刊登）