壽司可減肥出街食又驚多蟲？強嫂廚房教你DIY

各位好兄弟姊妹，又係我強嫂！最近周不時見到香港啲新聞話壽司有蟲，嘩真係嚇到人個心離一離囉！壽司都可以有蟲？http://bit.ly/2IZAXgb  其實強嫂我好耐之前都聽過壽司營養豐富，可以幫助減肥，新聞仲有話個日本柔道家靠食壽司，8日瘦咗2.1公斤！

日本有個管理營養士伊達友美話，壽司其實相當有營養，特別係魚類，有蛋白質、脂質、碳水化合物三大營養，加埋魚類含有EPA、DHA等Omega3脂肪酸，可以降低體脂肪，絶對啱減肥。

唉，其實香港啲𡃁仔𡃁妹(包括我嗰2位)都好鍾意食壽司，與其等佢哋喺啲咩壽司店疑似食到蟲，或者去咩灣區食生魚片，不如我落手整啦！

嗱！本來我呢啲傳統中國女性，對壽司呢啲生冷嘢唔多好。不過既然我啲仔女咁鍾意食，加上我又入得廚房，無理由小小地一個壽司仔都搞唔掂！等我強嫂過2招，一定新鮮又健康啊！

材料
壽司米3碗、 醋2大匙、砂糖、鹽、WASABI少許、生魚片12小片。 (記得要買可以生食嗰啲呀)

做法
1. 米飯煮熟後備用，
2. 砂糖、醋、鹽同醋撈成一碟，變成壽司醋！(自己調味嘅醋最健康，記住唔洗太多糖啊！)
3. 將白飯撈埋壽司醋，用手沾小小開水，再將米飯用手握成壽司大小 。(呢個就真係考功力啦, 我玩到啲飯散晒好多次, 所以壽司師傅係有實力嘅)
4. 握好後加少少WASABI放埋生魚片，再將壽司捏緊，搞掂！

精選健康知識，盡在 Healthy Life 健康男女
https://fb.com/HealthyLifeExpress/