飯前飲湯 勝過藥方？

又係我強嫂啊！最近強仔成日話自己胃漲漲冇乜胃口，我觀察咗一段時間發現佢成日飲完湯就即刻食飯，有時仲要湯撈飯。成日叫佢飲完湯要休息一陣再食飯，等個胃冇咁漲，點知佢叫極都唔聽！真係激死我，阿媽當年話「飯前飲湯 勝過藥方」呢八字真言真係冇錯！

啲人成日都話「飯前飲湯 勝過藥方」，嗱！佢唔係冇道理㗎！我老友林醫師成日都同我講，脾胃為後天之本，個胃呢就好似你啲仔女咁，要養㗎！湯最好飯前飲，因為邊食邊飲或者飯後飲湯，可能會沖淡胃酸，影響消化！所以呢，控制好食飯飲湯時間，養好個胃，個胃就自然好到唔洗點食藥啦！咁簡單你唔係唔明嘛？

因為個衰仔成日邊食飯又邊飲湯，個胃漲晒冇胃口，咪食唔到我啲好嘢囉！話晒強嫂我都係第19XX年街坊福利會廚藝比賽冠軍嚟，食唔落蝕晒啦！如果飯後不斷飲湯，咁對啲消化能力差個啲衰仔衰女嚟講，食幾多藥都係冇幫助啦！咪話我唔醒你強嫂養胃小貼士啦︰

1)飲完湯最少等20分鐘先食飯，咁就係最佳嘅養胃方法！
2)最好飯前飲湯，咁就唔會沖淡胃酸同影響消化！

(嗚謝 中大中西醫結合醫學研究所客座副教授林冠傑 提供資料)

精選健康知識，盡在 Healthy Life 健康男女
https://fb.com/HealthyLifeExpress/