學童自殺月內第六宗丨Ben Sir痛心搞講座教人做老母 望政府正視：唔係掛住搞夜繽紛

學童自殺事件急增，單今個月已經發生六宗，情況令人憂心。從事教育工作的歐陽偉豪（Ben Sir）雖然節目《東呃西騙》出街，他忙宣傳之餘，不忘連日來在社交平台對學童自殺的問題表達關注，更主動發起舉辦免費「教老母做老母」講座，希望從家長出發，齊齊救助大家的下一代。

同場加映：4拍4家族│謝安琪捱凍吹奏家庭溫暖樂曲 Anna向前輩取經學做堅毅獨立歌手

{{hket:ul-video id="9337"}}{{/hket:ul-video}}

東呃西騙丨Ben sir知機仍墮裸聊騙局？ 七仙羽犧牲色相案件重演【下一頁】

{{hket:inline-image name="387786448_18391659724000435_8376915360658692499_n.jpg"}}{{/hket:inline-image}}

{{hket:inline-image name="393623484_10160553237213429_4368395762023533713_n.jpg"}}{{/hket:inline-image}}

Ben Sir在FB出Post留言：

Ben Sir's Academy of Counselling 有鑒於近月四宗青少年在校在家自殺案，咁大件事冇人講，我講：

1. 家長講座：《教老母做老母》（籌備中)

2. 個人輔導：《盡訴benben情》，歡迎私訊FB或IG 。

全部免費，所有資料絕對保密。

簡介：

Ben Sir 教學經驗30年，學生類型有：幼稚園 (3日)、小學生、中學生、毅進、副學士、大學生、PGDE(師訓)、PCLL(法律專業)、研究生、資優生(中小學)、成人。

Ben Sir 同你唔係太熟，同我講你冇顧忌，唔使避忌。

他接受《晴報》電話訪問，他表示對連串學童自殺事件感到非常痛心，「開學唔夠兩個月已經咁多單，只計新聞報道出嚟，其他背後嘅未必止，當然心痛。尤其見到佢哋年紀越來越細，13歲應該只係中一仔，即代表升上中一唔夠兩個月就跳樓，而且好多單都喺學校跳樓，會唔會代表對學校怨氣好大？不滿考試、壓力或者制度呢？或者會唔會係升中轉變唔適應呢？我哋真係唔知道。教咗30幾年書，呢個年紀嘅學生我都教過，所以衝擊真係幾大。希望大家關心多啲，好怕呢啲事件一多，大家就會麻木習慣，由痛心變成另一種擔心。」

Ben Sir指在FB呼籲過之後，收到不少私訊，當中家長和學生佔3分之2，反而令他大感驚訝的是有高薪厚職的成人都照樣私訊分享自己對人生規劃同職場發展的恐懼。在家長的留言中，有人自認口才不夠好難反駁子女，亦有做媽媽30幾年的女士求助，Ben Sir透露將會將這些個案作整理，到時候在講座上面匿名分享。「最感動係我發起做講座，各界好友不斷私訊我，大家覺得有意義所以主動願意贊助場地，無論係大專院校、教會會堂、餐廳、慈善機構等等，我真係好衷心多謝大家，亦感激大家認同呢個議題係值得重視同幫忙。」

Ben Sir由大學高級講師跳入娛樂圈自認犯賤 林盛斌Bob玩遊戲敗走當眾食電視【下一頁】

Ben Sir認為先從家長入手，因為畢竟家長是跟學童接觸最長時間的對象，他過往教過幼稚園至研究院的學生，就算毅進、職業先修等等都學生都接觸過，希望以他的經驗能夠幫到大家。「其實接觸得多，從溝通說話過程就凸顯到對方情況，舉個例子有個讀『神科』酒店管理嘅學生話未打算做嘢，想去法國讀法國文學，我就問佢係咪逃避緊啲嘢呢？原來真係，因為屋企要照顧媽媽同智力唔好嘅家人，佢好愛家人但越愛越想抽離。」

疫情幾年，令大家說話溝通減少，生活復常但心靈未復常，他眼見近年關注學童自殺問題的聲音越來越少，沒辦法不踏出第一步。「社會少講咗，以往有呢種事發生，報章或者電視廣告會出嚟叫大家珍惜生命，或者有教育局嘅代表話派心理醫生去輔導學生，而家真係少咗。發生咩事我唔知，我希望教育局正視呢個問題，唔好畀社會感覺只關心夜繽紛、的士用唔同咩顏色、或者廟街應該有咩文化吸引人，而冇關心到學童精神心理健康。冇理由要我一個藝人做第一步，係敏感呀，但教育局責無旁貸，既然覺得我好得閒就先做免費講座，希望多啲人正視防止自殺問題。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組