無綫全新綜藝節目《360秒人生課堂》將於本周四晚首播，由林盛斌（Bob）擔任主持，邀請嘉賓演講360秒，娓娓道來各自的人生故事，冀在疫情下為觀眾帶來正能量。
同場加映：新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握
《360秒人生課堂》的節目構思正正源於Bob，他透露去年中曾志偉致電邀約他回公司開會，當時他有感社會氣氛差，便提出想製作一個充滿正能量及具激勵作用的節目。Bob表示︰「我想做一個演講類嘅節目，因為我睇過世界各地好多類似嘅演說節目，每次睇完都覺得自己充滿力量。就算演講嗰位係素人，佢哋嘅人生經歷對我嚟講都係一個人生課堂，佢哋就係我嘅人生導師！」
在志偉鼓勵及支持下，Bob立即投入策劃及統籌工作，並逐一致電身邊好友邀請他們上節目分享人生經歷：「佢哋知道節目嘅目的同初心後，絕大部分都一口應承。令我最感動嘅，係好多我嘅朋友可能成世人都未試過演講，但佢哋都好畀心機練習，寫好份講稿。」
首集由歐陽偉豪（Ben Sir）打頭陣，向來予人感覺幽默的Ben Sir，其360秒演辭不失搞笑本色。Ben Sir本是大學高級講師，及後跳出舒適圈，跳入娛樂圈，他自言是超級犯賤︰「有人賤，有人犯賤，幾年前有電視台叫我上去講解粗口喎，賤囉！但我又上去喎，犯賤囉！」Ben Sir又透露剛開始走出舒適圈時欠缺自信，一度想「縮沙」及瘋狂推job；但後來發現幕前工作邀約不斷，才領悟到自己有潛力。
Bob除了主持節目有一手，參與遊戲節目亦十分厲害。他於昨晚一集《THE SHOW MUST GO ON》中，率領「大玩特玩」隊對戰由麥美恩帶領的「娛樂大家」隊，笑料百出。
擁有「最大體重差」的Bob與黃美棋拍檔玩「雙人石春路」，細細粒的美棋孭着重量級的Bob相當吃力，行石春路時吃力得面容扭曲，最終美棋在眾人支持下挑戰成功。
及後，大玩特玩隊在「大電視」環節表現出色，答中18條問題，Bob誇下海口說︰「如果佢哋（娛樂大家隊）答啱廿條，我哋成部電視食咗佢！」隊友聞言卻即時割席。而主持錢嘉樂為了讓Bob「食電視」，不斷幫助娛樂大家隊，最終他們如願答中20條問題，Bob被迫「食電視」，場面搞笑。
撰文︰黃寶蓮