張寶華曾想改變男友感情拖足13年 Ben Sir見慣性感女學生夠定力

前新聞之花張寶華（Sharon）在今晚（13日）開網上talk show《Don't Judge a Book by its Cover》，今次聯同嘉賓歐陽偉豪（Ben Sir）分享新世代愛情觀，希望大家在抗疫疲勞下舒緩壓力。對於今次開騷，Sharon坦言受去年被爆偷食而名譽掃地的台灣歌手王力宏所影響，她解釋：「身邊有女性朋友對王力宏離婚嘅反應好大，因為佢一向形象好好又靚仔，但現實係佢同老婆嘅關係千瘡百孔。大家都感覺被王力宏欺騙，好戥李靚蕾唔抵。」

同場加映：《東張西望》正義女神︳利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

{{hket:inline-image name="10.JPG"}}{{/hket:inline-image}}

提及Sharon的感情世界，她自爆曾為舊愛浪費足足13年青春，受過教訓後，才懂得放手，她說：「曾經有一個男友拍咗13年拖，最終拖咗十幾年都無結果，應該知道唔啱就分手，越想個男人改變，對方就越唔會改。」不過她與現任男友感情穩定，笑言交換WhatsApp sticker都可以玩足一晚，是二人間的情趣。而Ben Sir與太太Cindy結婚多年，一直得到對方的包容和愛護。對於他經常與女星合作，例如李佳芯、黃心穎等，Ben Sir笑指自己定力夠，他說：「我喺中文大學教書咁多年，一早已面對打扮性感嘅女學生，佢哋同女星無乜分別，我亦明白發生乜事會有乜嘢後果，最重要老婆滿足到我，我好鍾意『採礦』，老婆都好包容我。」

【公主號乘客】張寶華黎芷珊被歧視嬲爆炮轟：係咪以後唔歡迎我去食飯？【下一頁】

近年交友App深受年輕人歡迎，Sharon透露數年前，在大學教書時曾經接觸過，但沒有在那些平台上結識異性，「以前有人叫我試，同啲學生傾偈先知好多女仔有玩，有啲只係20歲未拍過拖，已經好驚嫁唔出，唔想係A0（從來沒有拍過拖），但係網上有好多騙案、假相、假戶口。」Sharon不諱言最近看畢Netflix紀錄片《Tinder詐騙王》，令她有所啟發，「故事講歐洲有女仔就係玩交友App被騙財騙色，當然騙徒外形好又識點樣冧女，點解可以呃極都有受害者？點解有啲女仔注定被人呃？呢個現象都可以探討。」

{{hket:inline-image name="21.jpg"}}{{/hket:inline-image}}

{{hket:inline-image name="20.jpg"}}{{/hket:inline-image}}

港產旅行團│Ben Sir被指同音樂才子「撞樣」 網友搞笑回應：唱兩句嚟聽吓先【下一頁】

為人風趣又幽默的Ben Sir，回想當年「追女」的辛酸史，他笑說：「以前鍾意一個女仔，要諗好耐，又要落街去電話亭打電話約女仔。」他寄語大家談情說愛一定要小心，續說：「而家用WhatsApp好易追，出到嚟就跟住上床，唔使花幾多功夫，不過好易遇到騙案。」Ben Sir指近日為J2台主持節目《冇人性教育》，曾與PTGF（兼職女友）傾談過，發現有些女生是為了替父母還債才踏入此行，「佢哋性愛觀同我哋呢代好唔同，佢哋又會同男仔拍性愛影片，其實後果可以好嚴重。」

{{hket:inline-image name="22.jpg"}}{{/hket:inline-image}}

{{hket:inline-image name="23.jpg"}}{{/hket:inline-image}}

{{hket:inline-image name="24.jpg"}}{{/hket:inline-image}}

《學是學非》Ben Sir討論粗口文化 視迷鼓掌《男人食堂》爆笑學到嘢【下一頁】

此外，對於兩人在白色情人節前夕網上開騷，Sharon透露將會全球同步直播，歡迎海外港人購買網上通行證入場，她說：「我揀星期日香港時間晚上八點，上次個show有英國、加拿大等24個國家嘅港人睇，希望今次可以connect全球華人。」

場地提供︰Mi Fa Show
採訪：梁紹明
撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】