360秒人生課堂︳Bob林盛斌獲志偉支持做演講類節目 首集Ben Sir認犯賤加入娛樂圈

由林盛斌（Bob）主持的全新節目《360秒人生課堂》，將於本周四（14日）晚上10時30分首播。此節目主題是「以生命影響生命，以人影響人」，一連十集邀請來自不同界別及各有經歷的18位嘉賓，用360秒的演講方式，娓娓道來各自的人生故事，包括有歐陽偉豪（Ben Sir）、戴耀明、可嵐及幾位素人等，而國際級演說家李炫華老師，則會為節目擔任特設嘉賓。

{{hket:inline-image name="08.JPG"}}{{/hket:inline-image}}

{{hket:inline-image name="03.JPG"}}{{/hket:inline-image}}

同場加映︰愛回家丨島大書蟲林浩文 羅永健 吳卓衡靠面油頭皮怪造型入屋 感恩有代表作：繼續追夢唔怕捱

{{hket:ul-video id="5575"}}{{/hket:ul-video}}

《360秒人生課堂》整個節目構思原來來自主持人Bob，他透露上年年中曾志偉來電約他回公司開會，當時Bob有感社會氣氛較差，於是提出想做一個充滿正能量及有激勵性的節目，「我話我想做一個演講類嘅節目，因為我都睇過好多世界各地類似嘅演說節目，每次睇完都覺得自己充滿力量。就算演講嗰位係素人，佢哋嘅人生經歷對我嚟講都係一個人生課堂，佢哋就係我嘅人生導師。」有曾志偉在背後鼓勵及支持下，Bob全力進行策劃及統籌工作，並逐一致電邀請身邊好友上節目，「佢哋知道節目嘅目的同初心後，絕大部分都一口應承。令我最感動嘅係好多我嘅朋友，可能成世人都未試過演講，但佢哋都好畀心機練習同埋寫好份講稿。」

一屋都係女人︳林盛斌日理萬機甘為愛女呆等 三個家姐育成弟弟做完美男友【下一頁】

首集打頭陣嘉賓分別為「跳出Comfort Zone」的Ben Sir，以及「與自閉症兒子共同成長努力」的剛強媽媽黃溢妮（Stephenie）。對於當初由大學高級講師這個「舒適圈」跳入「娛樂圈」，Ben Sir笑指自己是超級犯賤，「有人賤，有人犯賤，幾年前有電視台叫我上去講解粗口喎，賤囉。但我又上去喎，犯賤。」他透露走出舒適圈初期曾因欠缺自信，一度想「縮沙」，並試過瘋狂推Job，後來因發現「推極都唔完」才領悟自己有潛力；而他走出舒適圈前，自爆好大膽同老婆約法三章。

Stephenie的人生故事則是截然不同，既真摯亦相當感人，令現場觀眾及Bob聽到喊。育有兩名子女的Stephenie，當中今年8歲的兒子患有自閉症，她當初並未輕言放棄，辭掉工作後兩母子攜手克服難關，但兒子因學習能力問題遭醫生評估需入讀中度智障特殊學校，更曾於一次戶外活動期間突然當眾大便造成混亂，種種挫敗感及絕望令Stephenie感到崩潰；幸好得到老公Alan的鼓勵說話，令她得以重新振作去面對問題。

林盛斌Bob為被投訴順豐送貨員抱不平 「佢俾人炒我即刻安排一份工畀佢」【下一頁】

在近期播出的《360秒人生課堂》預告片段中，更見到戴耀明及可嵐訴說自身感人故事，戴耀明身後巨型電子屏幕打出「茄哩啡」字句，他眼濕濕並無奈說：「我連帶阿媽返電視城去參觀都未試過……」，可嵐則講她經歷多次家暴的傷心往事。

（↓點擊圖片放大↓）

身為主持人的Bob於網上推介自己節目，他表示：「今次《360秒人生課堂》，其中一個好重要嘅人，就係佢，李炫華老師。因為我哋想喺每一集個節目嘅開頭，都有一位駐場嘅大師講一個1分鐘嘅激勵小故事，咁第一時間，我就即刻諗起佢。佢係馬來西亞人，我哋因為工作關係而成為朋友，佢係我認識嘅演講高手入面其中一個最勁嘅，亦係一個永遠充滿住正能量嘅人生導師。唔到你唔信，所有嘢都係上天最好嘅安排，喺我哋拍攝呢個節目嘅期間，佢咁啱喺香港教書，我一個電話打畀佢，佢完全冇考慮過就馬上答應，所以，要再一次衷心感謝你，李炫華老師。相信佢每一集嘅小故事分享，都會為你帶嚟一點正能量！」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】