慶幸兄妹長相大不同 蔡思貝︰我似媽咪係雙眼皮

蔡思貝、游嘉欣和吳偉豪等昨日宣傳下周一首播的新劇《你好，我的大夫》，而思貝主持的旅遊節目《貝遊歐洲》近日熱播中，提到早前播出一集，思貝的哥哥激罕曝光，獲網民大讚靚仔，思貝聞言一臉驚訝說︰「竟然讚我阿哥靚仔？我唔覺喎，我阿哥似爸爸係單眼皮，好彩我似媽咪係雙眼皮啫。」她又透露哥哥移居蘇格蘭17年，在當地任職教師，現時單身，會否介紹女生給哥哥？思貝笑說︰「不如叫佢介紹男仔畀我識，（緋聞男友徐肇平呢？）佢只係識咗好多年嘅朋友。」

另外，嘉欣日前在社交網宣布成功考獲車牌，穿小背心上陣的她被網民笑她色誘考牌官。昨日嘉欣為自己平反，指考牌當日穿背心外加上外套兼拉上拉鏈，她笑謂︰「大家放心，我唔打算買車，攞住個牌等第日去旅行自駕遊。」

採訪、攝影︰倪小珊