與KOL蔥蔥行街斷正 吳保錡封口拒談感情事

ERROR成員吳保錡去年初與拍拖一年的張沛樂（沙律）分手，一直專心工作及跑步。上月，保錡被影到與電競KOL陳雪聰（蔥蔥）以「情侶裝」在商場行街，有指二人因拍攝《全星暑假︰ERROR暑期自作業》而擦出愛火花。

保錡、鍾慧冰和媚姨主持的ViuTV節目《MM730 - Auntie妳好》，昨日安排探班。保錡對兩位拍檔無所不談，但被問及蔥蔥的緋聞，保錡即封口，「我只係一個平民，喺街行都係好普通嘅事，（唔否認戀情？）我唔係唔否認，只係唔想講啫，唔想焦點落喺感情事上。（係咪拍拖與否都唔講？）拍拖唔係最重要嘅嘢，做好每一個作品先係最緊要。」另外，談及《陰目偵信》票房成績強差人意，問他可會打擊進軍影圈的信心？保錡笑謂︰「我係票房病毒，茄喱啡係想做嘅，唔好做擔起票房嘅角色囉。」

採訪︰Pauline

攝影︰林良明