遭連詩雅踢爆唔做家務 黃翠如無知發問被窒

無綫飲食節目《煮東煮西》於明、後兩晚加推中秋節特別版，好讓觀眾提早學懂烹調應節菜式。主持之一黃翠如於節目一開始，即嚷着要幫大廚黃亞保處理食材，可是愈幫愈忙。好姊妹連詩雅（Shiga）隨即取笑︰「你平時喺屋企會幫下手？」翠如聞言即笑笑口道︰「無喎！但我都有洗碗嘅。」豈料Shiga玩大踢爆︰「我見到Edwin（蕭正楠）洗埋碗喎。」翠如即死撑表示︰「因為佢見到啲嘢污糟就會忍唔住即刻洗！」

翠如不但幫倒忙，更化身「問題少婦」上身，一臉天真發問︰「啲鮑魚會唔會有流心㗎？」節目另一廚師黃浩然太太莫家嘉忍不住糾正︰「嗰啲係溏心，你真係要留心聽書。」