虛擬主播搶新聞小花飯碗？ 陳嘉倩唔擔心：AI讀稿無感情

今年AI風潮席捲新聞界，香港電台六月時破天荒以AI女主播Aida報天氣，內地及台灣亦先後安排AI女主播登場吸引觀眾眼球，傳統女主播地位似乎岌岌可危。曾是「主播女神」的陳嘉倩日前接受本報訪問，她相信虛擬主播未能取代同行地位，「AI主播講嘢無乜感情，又唔會同觀眾互動，連結度唔及真人。」

AI技術發展近年有明顯進步，世界各地逐漸出現虛擬女主播，連港台電視部也推出AI天氣女郎Aida，由六月尾開始，逢周一至周五主持天氣簡報環節。不過，觀眾對於Aida登場反應麻麻，有網民狠批這位AI女主播說話生硬、表情單一，未能贏得觀眾歡心。曾是無綫主播女神的陳嘉倩，過往亦為《天氣報告》、《香港早晨》等任主持，憑標緻面孔及甜美笑容俘虜不少男粉絲。對於現時的AI主播熱潮，嘉倩坦言有留意，自己亦參與其中，「我之前有玩過變臉App，將啲相擺上IG，但AI陳嘉倩好唔似我真人。」

對於港台率先安排AI女主播報天氣，嘉倩認為是值得研究的課題，「我都思考過，玩完變臉App後覺得AI技術比以前進步咗好多，我都有聽AI翻唱，好似尹光呢啲唔同歌手嘅歌，把聲抑揚頓挫。（女主播在不久將來被AI主播取代？）目前睇AI主播講嘢無乜感情，比較冰冷；真人講嘢有溫度，又知道點樣喺社交平台同觀眾互動。AI唔識搞爛gag，只識得提供資訊性資料，連結度唔及真人咁高！」

觀眾期待真人天氣女郎

嘉倩又稱︰「好似報天氣咁，身為觀眾，都會期待當晚邊個主播出鏡，唔同主播有唔同特色，我相信AI暫時唔可以完全取代真人！」另外，嘉倩由新聞主播轉型做KOL，近年不但演戲，亦有擔任節目主持及出席活動，發展多元化，她覺得主播經歷令她有不少得着，「呢個崗位充滿挑戰性，面對鏡頭唔驚，同時亦儲落一堆粉絲，幫我外闖打好底。」

採訪︰Steven

美術︰梁政敏