將與周嘉洛到清邁拍真人騷 陳瀅準備泳裝亮相

周嘉洛、陳瀅、朱敏瀚（朱仔）和JW王灝兒繼《痞子殿下》後，再度合作《痞子無間道》，劇集日前正式煞科，前晚劇組舉行煞科宴。四位好拍檔再次聚首，並預告將到泰國清邁拍攝旅遊真人騷，朱仔大爆跟JW未出發先嘈交，嘉洛更自嘲是遲到王，看來有很多火花。

身為男主角的周嘉洛前晚姍姍來遲，他笑指因為要等候前輩林漪娸。嘉洛即將與陳瀅、朱敏瀚和JW王灝兒一同到清邁拍攝旅遊真人騷，他笑指騷肌任務交給「肌肉擔當」朱仔，自言太保守不只僅穿泳褲出鏡。四人首次出埠開工，會否擔心有爭執？嘉洛笑謂︰「我個人咁大量，點會同佢哋有嗌霎，（有機會因為集合遲到嘈交？）仲唔係我？其實我都係瞓耐少少啫，睡眠時間好珍貴嘅。」

陳瀅不想拍《痞子3》

另外，提到《愛•回家之開心速遞》近日愈來愈多人加入，問他何時回歸劇組？他表示不太清楚，有機會的話可以返去客串，被問會否已被飛出劇組？他笑謂︰「好大機會，依家絕對唔使有我存在。」

至於陳瀅臉頰及身形明消瘦不少，她稱磅數沒有減少，但最後兩周拍攝的確十分辛苦，問到會否再開拍第三輯，陳瀅快口拒絕︰「唔想，拍古裝真係唔容易。」但提到將與三位拍檔出發拍攝真人騷，陳瀅就十分期待，會否水着亮相？她表示︰「JW着我咪着囉，如果有水上運動可以，但着三點式就咁攤喺度就唔好喇，不過JW好似都唔想着泳衣。」而朱仔則直言未拍過真人騷，最擔心拍攝時大家有拗撬，更大爆︰「我同JW開會已經好多拗撬，佢成日投訴我態度唔好，可能大家拍到第二輯變咗老夫老妻了，容易嘈交！」

採訪︰Pauline

攝影︰林良明

美術︰梁政敏