換電動車遇阻滯

最近的天氣熱得恐怖！一離開冷氣地方，就算只是慢慢行，都無可避免地一身汗！「全球暖化」這概念，連小朋友都識，以前會教育大家少些開冷氣，節能減碳，可惜我們並非每一個人都可以像前天文台台長林超英一樣厲害，在32度的酷熱天氣下仍可以不開冷氣！

除了少開冷氣外，另一個常教育的概念是多乘搭公共交通工具，減少街道上的廢氣排放。不過說真的，搭私家車確實比搭公共交通工具舒服，點對點之餘又不用同人逼！幸好有電動車出現，可算是取得一個平衡利弊的方案！

老闆最近就話想換電動車，上網睇，在電動車「一換一」計劃下，可享受最高287,500元的電動車首次登記稅寬減額！老闆比較少機會搭公共交通工具，換電動車就可以為環保出一分力啦！加上有補貼，咁吸引，同事們舉手支持老闆換車！

老闆一邊多謝大家支持，一邊苦笑！為甚麼呢？原來有阻滯！老闆話佢屋企遲遲未裝汽車充電掣，於是託朋友幫手check下，結果發現住宅大廈夠晒電，政府亦批准設充電掣，但竟然因為管理處和業主法團之間未達共識而遲遲沒有下一步行動！真是可憐住客受罪了！

（本欄逢周一刊登）