孖Dear Jane 8月開騷 MC張天賦邀跳舞被拒

出道三年的MC張天賦今年奪得叱咤男歌手金獎，昨日商台舉行記者會，公布MC與樂隊Dear Jane將於8月19日，假亞洲博覽館舉行拉闊音樂會。Dear Jane主音黃天翱（Tim）笑指會迫MC跟他們一條心，而MC即膽粗粗邀請Dear Jane四子開騷時一起跳舞，即被Tim當場拒絕，「咁多年嚟，無人撩我哋跳舞係成功嘅，因為當佢哋見過我哋跳舞之後，都覺我哋太勁，最終放棄呢個念頭。」

另外，近日有眼利網民發現，Tim和太太楊洛婷攬到實合照時，西裝褲下疑似激凸，被指「小Tim動L」，Tim聞言笑謂︰「no comment！男人會明白，我屋企每位成員都充滿能量！」而楊洛婷則在IG貼出兒子相片並留言︰「我先係小Tim，佢唔『動L』點會有我呀。」此外，對於近來有傳Dear Jane本月尾在江門市舉行演唱會，Tim坦承有這個計劃，但未有定案。

採訪、攝影︰Pauline