投資烘焙店七個月回本 支嚳儀認《中年好聲音》帶挈生意

支嚳儀投資的自助烘焙店昨日舉行聯乘活動，邀請了好友倪晨曦出席，支嚳儀表示開業五年，分店位於尖沙咀及銅鑼灣，馬尼拉和吉隆坡都有分店。她回想當初開店原因，是對烘焙一竅不通，「試過買齊食材又唔識整，於是嘗試上網搵片學整，就係咁萌起搞自助烘培店呢個概念。（幾時收支平衡？）當初第一間喺金鐘嘅樓上舖，七個月已回本。參加咗《中年好聲音》之後，最近多咗媽咪帶埋小朋友嚟上堂。」她又指有不少全職媽媽粉絲受她影響，打算參加《中年好聲音2》。

至於倪晨曦（Elva）以一身粉紅少女打扮出現，她笑言是為了配合主題。Elva稱本身不懂烘焙︰「大仔細個嘅時候，我想整一個無糖蛋糕，於是就上網學整香蕉蛋糕，點知焗出嚟個蛋糕好硬。」她又表示剛從歐洲工作返港，但怕老公投訴，不敢順道旅行，工作後立即飛返港。

採訪︰Pauline

攝影︰林良明