考DSE有信心 炎明熹想讀時裝設計

炎明熹（Gigi）前晚連走兩場，先到灣仔伊館參與慈善騷，之後趕到紅館出席港台《十大中文金曲》頒獎禮。Gigi獲頒「十優歌手」及憑《好想約你》獲「金曲獎」。雖然Gigi近日正應付DSE，但工作仍然排得密密麻麻，她表示十分享受一邊溫習、一邊工作學習新知識，腦海從未如此豐富，「以前齋讀書，依家可以將興趣變職業，覺得非常奇妙。」

Gigi戲言考試和唱歌的成績不相伯仲，亦不分高下，問到對DSE可有信心？她笑稱信心一定要有，但不用太多。Gigi又自爆最害怕的科目是英文會話，幸好一同應考的考生帶動節奏，讓她得以應對，「以前講中文同英文都好緊張，依家進步咗，可以講好多嘢。」Gigi透露DSE還有一科未考，但已計劃與三位同學到台灣畢業旅行，又指希望能在港升讀大學，最想修讀時裝設計。