初到新西蘭寄宿思鄉爆喊 姚焯菲克服昆蟲恐懼症

姚焯菲（Chantel）現於新西蘭升學，上月中趁學校假期回港宣傳新歌，並接受許文軒主持的《Star Talk》訪問。Chantel在節目中大談今年初出發到新西蘭寄宿學校，由於生活上的不適應，而晚晚爆喊，「開始嘅時候，好想返屋企，一下子負面情緒出咗嚟，擔心喺學校會迷路，又擔心識唔到新朋友，掛住屋企就爆喊，嗰時覺得世界末日。」幸好大約兩個星期便完全適應新生活。

Chantel自言因為父母不在身邊，沒有人照顧自己而學識獨立，更克服了對昆蟲的恐懼，「我以前超驚昆蟲，一隻蟻都會令我嗌到拆天，依家見到烏蠅都唔驚，撥走佢就得。」她指連父母都覺得她長大了。