生日出歌回顧入行10年 陳慧敏︰拎棺材本出嚟追夢

《超級巨聲2》出身的陳慧敏（慧敏哥）日前34歲生日，特別推出新歌《十年如一日》，慶祝生日兼出道十周年。新歌邀得林夕填詞，慧敏哥感激夕爺用歌詞「摑醒」她，皆因她即使再努力，但工作性質頗零碎又缺乏資金宣傳，結果徒勞無功。她說︰「呢首歌係審視自己過去嘅光陰過成點，老實講，我唔太滿意過去十年嘅樂壇成績，覺得停滯不前，甚至原地踏步。夕爺嘅歌詞好似講緊我蹉跎歲月嗰種無力、迷茫感覺，我好感激佢用呢份詞一巴掌摑醒我。」

慧敏哥表示歌詞深深打動她，「（歌詞）將我嘅歌唱事業比喻為一場賭博，可能我真係輸咗十年，但我問自己繼唔繼續賭落去呢，呢一刻，我決定為夢想負上呢個責任，所以呢單嘢我真係連棺材本都攞埋出嚟喇！」