婚後下「禁摸令」 湯洛雯年尾外地嫁馬國明

湯洛雯（靚湯）昨日出席復活節活動，準人妻容光煥發現身，即被追問與馬國明的婚期。靚湯受訪時透露，婚禮選擇在外地舉行，但堅拒透露地點︰「婚期都未必想公開，大家畀番少少秘密我哋，想細細哋唔會大搞。」靚湯直言婚禮籌備進度僅百分之十左右︰「未必搵婚禮統籌，但我有好多嘢都唔識。（婚禮在夏天定冬天舉行？）年尾，我哋兩個都怕熱，行禮大汗疊細汗火都嚟埋。」她其後才透露會在東南亞地區完成人生大事。

早前靚湯與好友到日本旅行，是否順道視察場地？她即甜笑謂︰「我唔想好似馬明咁食咗誠實豆沙包，將我哋情話都攞出嚟講，不過率直都係佢嘅優點。」對於有指對馬明下「禁嘴令」，靚湯笑謂︰「我對佢嘅限度係唔好摸，錫就OK。（看了馬明與唐詩詠的《隱形戰隊》床戲？）我有睇預告，睇佢咁做好搞笑。」

採訪︰Steven