土瓜灣之亂

一班同事講起土瓜灣「鴨仔團」問題。Shirley話唔明點解會搞到咁亂，住土瓜灣的阿美分享親身感受：「其實土瓜灣旅客嘅問題已經好多年，家家戶戶都知道偉恒昌一帶係重災區，只係疫情時無旅客所以無咗件事，依家大量旅行團一齊返晒嚟，就引起注意囉！」

為何低價鴨仔團都集中在土瓜灣？阿美話係因為區內有多間專門做團客的「註冊商店」。這些店舖不做本地人生意，賣的都是手信、鐘錶和珠寶之類。鴨仔團喺「註冊商店」買嘢之後，就在附近專做旅客的酒樓用餐，一條龍服務，於是就迫爆土瓜灣。

Shirley又問︰「不過有旅客即係刺激經濟，唔係好事咩？」

阿美回應︰「呢類旅客唔會幫襯本地小店，受益嘅只有搞鴨仔團嘅旅行社，又搞到居民出入困難，所以人見人憎。」

見到政府有派人維持秩序，又與業界開會，算是有心做事。會不會有幫助？阿美話幫助係有，但要解決問題就要從源頭做起。鴨仔團以低價吸引旅客但又要賺錢，所以要靠購物補貼，於是就一條龍去晒土瓜灣。要解決問題，根本方法是禁絕「劏客」陋習，等旅客可以真正感受香港的美麗。

（本欄逢周一刊登）