演梁朝偉太太 何珮瑜激吻影帝超緊張

新戲《風再起時》將於下周五上映，該片集合兩大影帝梁朝偉（偉仔）及郭富城，戲中偉仔飾演50、60年代華探長「南江」，扮演其妻子的何珮瑜（Jeana）首度跟偉仔合作，十分緊張，更被對方的招牌電眼迷倒。Jeana表示︰「我稱呼佢做梁生，佢就好幽默咁話『你嗌我Tony得㗎啦』，我就改口佢Tony哥。」

Jeana又讚揚偉仔關心後輩︰「記得拍戲嗰陣時我啱啱智慧齒發炎，要喺拍攝當地睇牙醫，最後剝咗兩隻智慧齒；Tony哥知道後每一日開工都會問候我。」此外，戲中二人有連環激吻場面，「其中有一場kiss戲我真係好緊張，事前已經叫人買定烏龍茶、買埋牙刷清潔口腔，我諗呢場係我咁耐以嚟最緊張嘅kiss戲，NG咗三、四次。」