現年71歲的富商劉鑾雄(大劉)早前被拍得與前度女友呂麗君(現名呂姵霖)現身銅鑼灣皇室堡,因而驚傳復合,事後大劉發聲明澄清傳言。昨日,大劉特別召開記者會,直指有網絡打手散播謠言,又暗示有人死性不改。期間,大劉愈爆愈多,不但主動提及多年來有關他的江湖傳聞,更指商場「The ONE」原來由兒子劉鳴煒命名,並非如外界所指是他為了李嘉欣而改。
網上最近流傳一段劉鑾雄罵人短片,片中大劉與呂麗君一同現身,當大劉看見有男士蹲在地上時,即勞氣大罵。昨早大劉精神奕奕亮相記招,中氣十足的他重提當日大罵「踎地男」經過。他指踎地男當時擋着其去路,他叫對方起身不果,「唯一方法我要挨住佢過,但一係轉身kick倒(絆倒)我,一係就我中招,因為商場有人無戴口罩。我之前(接受)器官移植,食抗排斥藥,雖然打咗五針,但抗體只得常人嘅四成,我唔係怕死,而係最細嘅仔女得四歲、十歲同14歲,我希望有多幾年睇住佢哋成長。」
否認獲甘比母捐腎
大劉否認有狂躁症及潔癖,但坦言有創傷後遺症,皆因每月至少有十多人到其公司白撞、搵笨及敲詐,所以他不得不小心。他又謂最不想被誤會跟呂麗君復合,「啲網絡打手話佢大獲全勝,搬近咗屋企,呢啲係網上造謠!」他解釋,跟呂麗君見面純粹因對方有困難,「如果大家有留意金融地產財經就會知,如果唔係為咗對仔女,我極度唔想幫。今次幫佢都諗咗兩分鐘,唔係數目問題,我唔想有難堪嘅事影響對仔女,其實好sad,有啲人天生性格到死嗰日都唔會改,惟有黯然接受,希望今次記者會後有人收斂啲。」問到覺得呂麗君是否有機心的人?大劉不予評價,「如果要講,真係七七四十九日都講唔晒;(太太)陳凱韻亦無因呢啲事嬲,點值得啫?佢知咩事,第二日仲飛咗去日本玩。」
大劉曾在聲明中透露,早已處理絕大部分名下財產,無非為保障太太陳凱韻(甘比)及家人,不過他昨日強調︰「呢個『家人』,唔淨只係陳凱韻家人,可能包括呂麗君嘅仔女,同埋我前妻寶詠琴嘅仔女,廢事被人話份身家被陳凱韻擸晒。」同時,他又否認獲甘比母親捐腎,而跟甘比結婚「報恩」的傳聞,「係(換腎)都搵個後生啲,點會搵個60幾歲嘅老腎。」
澄清無命名The ONE
記招上,大劉乘機一次過澄清多年來的江湖傳聞,他問記者有否聽過關於他有特殊癖好的傳聞︰「話我塞春卷、乒乓波,我無做過,如果諗過都絕子絕孫!點解我之前唔澄清?100個(傳聞)澄清99個,咁我無澄清嗰一個,啲人又話係真?澄清得幾多個?」至於另一傳聞,則是他為了李嘉欣,而將旗下商場命名為The ONE,寓意一生中最愛。他澄清說︰「The ONE係我個仔劉鳴煒改嘅,本人喺任何思想、環境、私人同工作上,從來無諗過The ONE呢個字。」至於當年刊登「The ONE」廣告賀壽一事,他澄清︰「當時有人將廣告稿隊埋嚟,交畀我秘書去刊登,我照幫手,借我秘書去呃老襯,結果『The ONE』成功咗啦,我都戥佢開心。」過往女友多多的他,直認仍有資助部分前度,「兩、三年前我都滙咗一筆天文數字畀53年前嘅女朋友,呢個就值得,但有啲無良心,有啲賤到無倫,娛樂圈亦有唔少。」問到其娛樂圈前度中,有哪位能獲得他稱讚?大劉稱︰「絕對、絕對無!」
撰文︰娛樂組
美術︰梁政敏
-
-
網絡熱話|挑戰全港最平$100晚酒店 内地男拍片狠批8點:這是中國最差酒店 |
|
-
抑鬱症|王嘉爾自爆患抑鬱症1原因致壓力爆煲 自測抑鬱9徵兆:中5項應求醫 |
|
-
女神暴瘦︱曾與郭富城傳緋聞迷倒千億富豪 55歲袁潔瑩近照曝光 雙頰凹陷瘦脫相 |
|
-
網絡熱話丨暗戀百貨公司女神33年 港男千字文細述「那些年」遺憾女店員樣貌曝光 |
|
-
食用安全|膽囊結石開刀驚見大量肝吸蟲+蟲卵 53歲男揭頻吃1類美食慘染寄生蟲 |
|
-
保單逆按自製長糧 | 充裕退休儲備 + 保障家人GET!(附個案說明) |
|
-
-
-
胸悶、頭脹、手腳麻痺?黃祥興不靠藥物 1個月拆走血管炸彈 重拾醒神健康 |
|
-
私密處痕癢、灼痛、異味來襲 Grace教路:每日1粒解決「私密」問題 |
|
-
-
唔止面黃 生痘痘 長期攰都可能肝損傷 黃祥興逆轉肝機能 慶幸及早護肝 |
|
-
您也可能喜歡...
-
昔日師奶殺手合體開騷 陶大宇孖吳啟華張兆輝「倒轉地球」
|
-
主持《歐洲鐵騎遊》憶辛酸史 袁偉豪拍《鐵探》瘦到皮包骨
|
開記招否認與呂麗君復合 劉鑾雄︰有人性格到死都唔會改 - 晴報 - 娛樂 - 熱辣娛頭 - D230104
開記招否認與呂麗君復合 劉鑾雄︰有人性格到死都唔會改 - 晴報 - 娛樂 - 熱辣娛頭
現年71歲的富商劉鑾雄(大劉)早前被拍得與前度女友呂麗君(現名呂姵霖)現身銅鑼灣皇室堡,因而驚傳復合,事後大劉發聲明澄清傳言。昨日,大劉特別召開記者會,直指有網絡打手散播謠言,又暗示有人死性不改。期間
https%3A%2F%2Fskypost.hk%2Farticle%2F3433918%2F%E9%96%8B%E8%A8%98%E6%8B%9B%E5%90%A6%E8%AA%8D%E8%88%87%E5%91%82%E9%BA%97%E5%90%9B%E5%BE%A9%E5%90%88%20%E5%8A%89%E9%91%BE%E9%9B%84%EF%B8%B0%E6%9C%89%E4%BA%BA%E6%80%A7%E6%A0%BC%E5%88%B0%E6%AD%BB%E9%83%BD%E5%94%94%E6%9C%83%E6%94%B9
https://skypost.hk/article/3433918/開記招否認與呂麗君復合-劉鑾雄-有人性格到死都唔會改
https://resource01-proxy.ulifestyle.com.hk/res/v3/image/content/3430000/3433918/A021_01_a_20230104_L.jpg
https://resource01-proxy.ulifestyle.com.hk/res/v3/image/content/3430000/3433918/
娛樂
熱辣娛頭
007
3433918
503
503002006
娛樂 熱辣娛頭
劉鳴煒,創傷後遺症,劉鑾雄,陳凱韻,李嘉欣,The One,寶詠琴
實體詞,人物,劉鳴煒,實體詞,疾病/痛症/損傷/病徵,創傷後遺症,實體詞,人物,劉鑾雄,實體詞,人物,陳凱韻,實體詞,人物,李嘉欣,實體詞,物業,The One,實體詞,人物,寶詠琴
大劉 呂麗君 傳聞 仔女 陳凱韻 商場 甘比 劉鑾雄 劉鳴煒 江湖 網絡 打手 聲明 女朋友 良心 家人 女友 呂姵霖 銅鑼灣 創傷 前妻 寶詠琴 廢事 皇室堡 秘書 太太 踎地男 後遺症 潔癖 記者會
2023-01-04
開記招否認與呂麗君復合-劉鑾雄-有人性格到死都唔會改