慶祝結婚10周年 張頴康愛的宣言冧麥雅緻

張頴康和麥雅緻婚後育有兩子一女，前日是二人結婚十周年的紀念日，他們撇甩三名子女，難得享受二人世界。張頴康在社交網分享結婚周年慶祝活動，先到五星級酒店食飯，相中全是頭貼頭及咀嘴甜蜜合照，飯後更去玩夾公仔，玩得相當盡興。

張頴康分享照片外，又發表愛的宣言，他指「錫婚」令他由二人變成五人家庭，事業上經歷高低，全靠有太太麥雅緻一直陪伴及支持。他又指與太太到指定的五星級酒店慶祝，背後有故事︰「其實當年我老婆好想婚禮喺呢間酒店慶祝，但係當時我根本負擔唔起喺度擺酒，但老婆無介意過，令我好感動。所以，一個咁好嘅女仔，我點可以放過？」