動物英雄聯盟One Step One Paw籌款 助無家毛孩

黛安收到風，動物英雄聯盟Paws Hero今年連續第5年舉辦別具意義嘅One Step One Paw，無論有無寵物，都可出一分力，為浪浪之家及動物英雄聯盟教育中心籌集資金，幫助更多有需要嘅毛孩，過去4年總共籌得超過33萬元，港人真係好善心。

公關姊妹話，如果有養狗狗，主人同毛孩每行1公里，愛心贊助商包括香港江蘇青年總會、置富Malls、My Little Korner、PetSpot和永義香港有限公司，就會捐$8。如果無養寵物都可以參與，只要捐$300或以上，愛心贊助商亦會捐出$300畀One Step One Paw。

另外，下月13日動物英雄聯盟教育中心會舉辦領養日，如果各位愛心人士都想畀毛孩一個家，絕對歡迎出席㗎。活動詳情可瀏覽https://zh.pawshero.org/onesteponepaw。