美麗戰場丨大結局爛尾遭狂轟聲稱想留伏線 三大原因激嬲觀眾找葉念琛晦氣

劇集《美麗戰場》昨晚播出大結局，合共20集播放完畢，最後一周結局篇開始，其實已經有不少觀眾投訴劇情吃不消，予人草草了事的感覺，直至昨晚結局惹起全城鬧爆，狂轟結局不論不類，簡直侮辱觀眾。結局因鍾家寶（陳瀅飾）的一句說話，引導裕進（丁子朗飾）去殺死小美（陳曉華飾），李靜兒（劉佩玥飾）揭發是鍾家寶間接害死小美，兩姊妹再度決裂，然後...沒有然後。

同場加映：美麗戰場丨劉佩玥唔認嘈圈中揀朋友要挑剔 陳曉華忽略閨密喊住道歉挽回

{{hket:ul-video id="6812"}}{{/hket:ul-video}}

美麗戰場丨朱晨麗霸氣壓場贏晒陳瀅何依婷 方力申臨時加戲惹陳瀅不滿鬧交【下一頁】

{{hket:inline-image name="YAN1.jpg"}}{{/hket:inline-image}}

{{hket:inline-image name="YAN2.jpg"}}{{/hket:inline-image}}

{{hket:inline-image name="YAN3.jpg"}}{{/hket:inline-image}}

{{hket:inline-image name="YAN4.jpg"}}{{/hket:inline-image}}

{{hket:inline-image name="YAN6.jpg"}}{{/hket:inline-image}}

龐振宇（方力申飾）在疑似徐富貴（林盛斌飾）設下的偷拍鏡頭中，見到自己愛的唐昕（朱晨麗飾）原來同爸爸有路，大受打擊獨自開遊艇出海後失蹤，然後...沒有然後。而鍾家寶突然收到「老公」的來電，她沒有接電話，反而不斷跑跑跑出空地，突然又遇到「哎吔阿妹」鍾家琪（蔣家旻飾）現身大嗌「家姐」，然後...沒有然後。

葉念琛跟一眾主要演員昨晚在林盛斌（Bob）的豪宅作客，一齊睇大結局，他回應傳媒時指結局是刻意留白，希望留觀眾思考的空間，又聲稱為第二季留伏線，著觀眾努力集氣開第二季。葉念琛謂：「其實以前好多經典劇都係開放式結局，唔少大家到而家都仲會念念不忘。我覺得追劇最開心，係追得過癮之餘，仲有種對結局好上心嘅感覺，一睇完就好想同人分享，鍾意又好、唔鍾意都好，總之引起到討論嘅氛圍，就係我想大家有嘅感覺。今晚都好多人去我個 Page度留言，想搵我出嚟講清楚。」談到結局中多項懸念，包括振宇（方力申飾）生死、唐昕（朱晨麗飾）最終和誰通電話、琪琪嗌家姐有乜居心等，葉念琛故作神秘謂：「如果真係開拍續集，一定會有答案。」不過葉導似乎有點誤會，網友嬲到上TVB FB瘋狂洗版留言狂鬧葉導，又上葉導FB留言聲討，似乎係鬧多過想睇第二季。

{{hket:inline-image name="YAN21.jpg"}}{{/hket:inline-image}}

{{hket:inline-image name="YAN22.jpg"}}{{/hket:inline-image}}

{{hket:inline-image name="YAN23.jpg"}}{{/hket:inline-image}}

美麗戰場｜陳瀅冷血害腦退化陳山聰出醜人前 反目後瞬間放下仇恨 劇情被指離奇【下一頁】

其實大結局有不少令人𢲷爆頭，首先，唐昕一向有機會而且擺明愛振宇，點解有振宇唔要，反而愛上振宇阿爸？其次，反骨琪本身孭住涉嫌殺人罪離港，為何突然返港又可以打扮靚靚當作完全沒一回事？再者，第一集已經鋪排振宇的消失，直至大結局都沒有交代他的生死，這個鋪排的動機到底係咩？

{{hket:inline-image name="YAN24.jpg"}}{{/hket:inline-image}}

{{hket:inline-image name="YAN25.jpg"}}{{/hket:inline-image}}

{{hket:inline-image name="YAN26.jpg"}}{{/hket:inline-image}}

{{hket:inline-image name="YAN27.jpg"}}{{/hket:inline-image}}

《美麗戰場》結局被罵總結有三大原因，起初個勢頭不錯，慢慢塑造鍾家寶成魔之路，不過前面鋪排太多，最後一星期頻頻發生180度轉變，感覺草草了事，令觀眾吃不消。觀眾真的被吸引晚晚去追劇，大家都期待看看壞人的下場，偏偏全劇都是壞人，大結局來一個亂章，難免令人失望。葉念琛筆下的劇本「玩得太大」，鍾家琪殺人竟然可以逍遙法外，好多故事都「唔通」，令觀眾頻頻都出現：「我睇咗啲咩？」的感覺。

{{hket:inline-image name="FON1.jpg"}}{{/hket:inline-image}}

「睇足19集，為咗等個結局，頂你個肺爛尾爛到咁」
「爛尾爛到，你唔好再拍喇！香港成個電影同劇都比（俾）你攪灣（彎）晒」
「失敗之中既（嘅）失敗！唔怪之得葉念琛話結局我地（哋）唔會諗到啦，你拍到咁L樣，正常人都唔會估到啦！」
「垃圾導演！你拍到爛尾到咁就退出娛樂圈啦！你簡直浪費晒一班咁好演技既演員一番努力啊！佢哋做得咁好就俾你個爛尾結局搞彎晒啦！」
「千祈唔好拍續集！唔想俾你激多次，從未試過睇劇睇到咁嬲」
「幾年冇追劇，開頭都好有興趣，睇到個結局真係嬲咗」
「對葉導既戲好失望，完完全全成為TVB膠劇導演，個故事爛到咁， 做壞個名呀」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉