美麗戰場丨陳瀅唔恨爭視后最重要享受快樂 學厚面皮應對負評：唔覺得瘦先係靚

陳瀅主演的劇集《痞子殿下》和《美麗戰場》今年先後播出，對她演技的評論一時天堂一時地獄，她坦言入行至今一直被攻擊身形，早已學識厚面皮應對負評，但一直沉默的她反而獲得同劇演員和導演的維護，令她大感幸福。結局周迎來「黑化」鍾家寶，冷血無情的她為觀眾帶來驚喜。一直是今年視后熱門人選之一，陳瀅表示從沒想過要爭獎項，演戲的心態最重要是享受和快樂。

同場加映：美麗戰場丨劉佩玥唔認嘈圈中揀朋友要挑剔 陳曉華忽略閨密喊住道歉挽回

{{hket:ul-video id="6812"}}{{/hket:ul-video}}

美麗戰場｜陳瀅被發酒癲前度打唔敢還手 陳曉華遇渣男經歷似足「小美」？【下一頁】

{{hket:inline-image name="DSC03627.jpg"}}{{/hket:inline-image}}

{{hket:inline-image name="YR3_0498.jpg"}}{{/hket:inline-image}}

{{hket:inline-image name="YR3_9651.jpg"}}{{/hket:inline-image}}

《痞子殿下》無論口碑和收視都相當不錯，為陳瀅打下一支強心針，不過《美麗戰場》開播之後，雖然討論度非常高，不過當中出現不少對陳瀅的負評，早前陳瀅在宣傳活動上更一度落淚。陳瀅解釋不是因為負評而落淚，「我一向是堅強嘅女仔，我會沉默唔去辯駁，希望大家睇晒成套劇先作總結，我明白好多人覺得我演2003年嘅鍾家寶覺得唔似、唔舒服，唔鍾意有你原因。我選擇沉默嘅呢段時間，啲人話呢一行好黑暗，而家仲唔係機會踩住我上咩？但我身邊冇一個係咁，反而好多人為我講說話，蔣家旻、劉佩玥同導演葉念琛，導演甚至同大家講：『有咩唔係陳瀅問題，我係導演，問題喺我度。』咁樣，點解我會咁幸運？大家錫我，我係感受到。」

陳瀅認為高EQ並非與生俱來，初入行被罵兩句就會喊，在圈中磨練出「厚面皮」，「入行開始已經圍繞住身形係咁講，到而家都係，覺得好多肉，要我減吓肥keep吓弗。陳瀅一直都唔係瘦呀啦，八年以來，我心從來冇動搖過，唔一定係瘦先係靚嘅標準，近排見到行內多咗唔同身形嘅女仔，我反而好開心。面皮厚咗之後，已經冇人影響到我，負評好快就已經唔記得，世界好大、好多事發生，人生唔係得咁狹窄。」

美麗戰場丨葉念琛否認劇情影射城中名人 評論陳瀅演技：佢仲衰過蔣家旻【下一頁】

{{hket:inline-image name="DSC03656.jpg"}}{{/hket:inline-image}}

{{hket:inline-image name="DSC03661.jpg"}}{{/hket:inline-image}}

一連兩套劇集播出，一直有呼聲推陳瀅捧視后，她重申從來沒想過亦沒有表達過要爭獎，「好多謝導演，佢對我好有信心，我不嬲對獎座冇強大慾望，我嘅快樂唔係來自成就，做嘢最緊要係開心同享受，呢樣係咁多年來都冇變過。有人問我幾時會唔做，的確如果有一日我對演戲冇晒熱情或者做得唔開心，我會唔做而退出。」她坦言很怕這種爭獎新聞，感覺分化女演員之間的友情，「有獎當然開心，但唔係我嘅目標，劇有劇嘅命運，唔輪到演員話事，一切都係天時地利人和，今年遇到兩套劇，差不多時間播，畀到觀眾深刻少少印象。」

{{hket:inline-image name="304909395_1478806939213798_2792403220509329337_n.jpg"}}{{/hket:inline-image}}

陳瀅一向重視工作和生活平衡，就算《美麗戰場》以台慶劇姿態推出，她都照樣放假去巴黎放鬆一下心情，跟緋聞男友周嘉洛劇接劇零休息的工作態度截然不同，「生活平衡好重要，如果淨係得工作會冇咗樂趣，真係好辛苦。佢真係冇停過，我識得講要停，佢聽話過我好多，不過大家可能話我反叛。做演員唔可以冇咗自己生活，咁樣冇新衝擊，點會有新創意去演新角色，見識到新事物，先有力量演戲畀大家睇。日日劇接劇，冇咗生活，到時大家又只會話我演來演去都係咁！」她表示對演戲仍有團火，希望繼續在演員之路發展，無論電視劇還是電影，她都會盡力而為，今次為劇集獻聲唱歌，她笑言：「我會繼續演戲，但放心，唔會唱歌！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

髮型：Larry Ho@AVEDA.IL COLPO
化妝：Vanessa Wong
服裝：Aje Harvey Nichols
攝影：何家賢
責任編輯：楊安莉