美麗戰場｜蔣家旻自食惡果遭強姦觀眾嗌抵 「拍完嗰場虛脫到要飲汽水」

無綫台慶劇《美麗戰場》昨晚一幕「反骨琪」（蔣家旻飾）被姦戲，在網上掀起連番熱討，是一大高潮。劇情講述「世紀賤精」琪琪原本打算設局陷害家寶（陳瀅飾），讓威爺（李成昌飾）猥褻一番，還自攜攝錄機欲拍下女方被姦過程公諸於世。豈料威爺手下阿信（李啟傑飾）「叛變」迷暈琪琪，將之調包，最終「反骨琪」慘遭強姦！威爺滿足獸慾後露出奸險真面目，以二人性愛影片要求琪琪任其魚肉及接客，女方受盡刺激，盛怒下拿起生果刀怒刺威爺，但真正殺死他的兇手是另有其人……

{{hket:inline-image name="06.jpg"}}{{/hket:inline-image}}

同場加映：美麗戰場丨蔣家旻曾為演好角色受壓爆濕疹 學懂放鬆喜迎「反骨琪」咒罵聲

{{hket:ul-video id="6775"}}{{/hket:ul-video}}

對於琪琪害人終害己，昨晚網民洗版式留言，大嗌心涼兼抵死，對於壞人逐個「找數」，坦言「未試過睇得咁開心同興奮」之餘，又指沒想過會這麼逼真！談及該場被姦戲，蔣家旻（Angel）受訪時大讚昌哥事前與她做足溝通，開拍前對對方所有動作一清二楚，同時感謝幕後對她的照顧，加上有打底，故拍攝時能夠放心去演。

Angel擔心自己「做得唔夠好」，拍攝前一晚壓力漸生，她說：「因為場戲好多情緒要處理，由化妝開始我要匿埋一邊，蘊釀情緒。」

{{hket:inline-image name="55115.jpg"}}{{/hket:inline-image}}

另外，Angel更大爆導演葉念琛的搞笑要求，「導演希望我嗌救命嘅程度，係佢喺隔籬房都聽到！我都覺得好合理，如果現實中咁樣嘅話，真係有咁大聲嗌到咁大聲，希望有人聽到可以救你。我就用盡全身嘅力嗌到成塊面紅晒，拍完嗰場虛脫到要飲汽水補充糖分。」事後有工作人員向她稱，拍攝中途見她手部、頸部激動見紅，「我都冇諗過自己嗌到手、頸都紅晒，有史以來第一次咁，好真實！」

{{hket:inline-image name="38.jpeg"}}{{/hket:inline-image}}

Angel續指，最大難度並非被姦戲，而是緊接的浴室爆喊戲，「想喊但又唔准喊，因為個角色性格好勝，亦唔覺自己有錯，咁到底要點樣呈現唔輸得但又委屈？我覺得仲辛苦過拍鬧交戲，鬧交戲仲可以直接表達情緒……但呢場戲情緒好複雜。觀眾一定覺得我抵死，我又想佢哋有少少同情呢個角色。」她感激葉念琛不斷說故事引導她進入狀態，「十年前左右我同佢合作過，呢次合作多咗好多信任、默契，所以佢現場（情節上）加或減嘢，我都唔會多諗，貫徹始終去做。」

自劇集播出後贏盡好評的李成昌，從影以來演過無數膾炙人口的人物，演江湖大佬更是出神入化，他笑言是次雖然「冧莊」演大佬，葉念琛卻「勒令要不一樣」，「導演話，睇過我做大佬好多次，今次特別啲，我當時都擔心好難再有突破啦，後來終於諗到自己未做過咸濕嘅大佬。有啲人呀，唔聲唔聲原來好咸濕，對女仔嚟講好棹忌。所以我叫導演開頭幾場畀兩個靚女我，我要摸大髀！要摸大髀。」談及昨晚演出，威爺表情極速遊走於得戚、險惡及無情之間，一秒變臉，昌哥則坦言過足戲癮。

{{hket:inline-image name="1416.jpg"}}{{/hket:inline-image}}

美麗戰場｜蔣家旻遭陳瀅篤胸驗身材真假 劉佩玥被批「樣衰」高EQ回應【下一頁】

圖片來源：劇集截圖

撰文：娛樂組